Օդի մաքրման և ախտահանման UV ռեցիրկուլյատորների կիրառությունը տանը և աշխատանքային միջավայրում
"VD" շարքի օդի մանրէասպան ռեցիրկուլյատորները կարող են էֆեկտիվորեն շահագործվել նաև աշխատանքային և բնակելի միջավայրում: Աշխատասենյակներում սարքերի կիրառությունը կկանխարգելի կոլեկտիվի շրջանում օդակաթիլային ճանապարհով փոխանցվող հիվանդությունների տարածումը, սեզոնային բռնկումները: Տարվա ցուրտ կամ շոգ եղանակին, սենյակների օդափոխությունը կարելի է հասցնել մինիմումի՝ չունենալ ջերմային կորուստները և վստահ լինել, որ տարածքի օդը զերծ է բոլոր տիպի վիրուսներից:
Բնակելի տարածքներում սարքերի կիրառությունը ապահովում է մանկահասակ երեխաների և տարեցների ապահովությունը ամեն տիպի հարուցիչներից: Իսկ ընտանի կենդանիների առկայության պարագայում, սարքը անփոխարինելի ծառայություն է մատուցում՝մաքրելով օդը տարաբնույթ պաթոգեններից և ալերգեններից:
Աշխատանքի սկզբունքը
Տարածքի օդը մղվում է իրանի մեջ տեղակայված ուլտրամանուշակագույն (ՈՒՄ) ճառագայթիչներով հագեցած խցիկով և վարակազերծվում է վիրուսներից, բակտերիաներից, սնկերից և դրանց սպորներից, որի արդյունքում ելքային օդի զանգվածը գործնականում դառնում է ստերիլ:
Սարքի կառուցվածքը բացառում է ուլտրամանուշակագույն ճառագայթների ուղիղ թափանցումն արտաքին միջավայր, ինչն էլ հնարավորություն է տալիս կիրառել այն մարդկանց ներկայությամնբ:
ՈՒՄ մանրէասպան ճառագայթիչներն ի վիճակի են ոչնչացնել օդում առկա վիրուսների, մանրէների և բակտերիաների 99,9% -ը:
Սարքը պաշտպանված է ՈՒՄ ճառագայթներով հրապուրված միջատների ներթափանցումից:
Սարքը և դրա բաղադրիչները փոշով աղտոտումից զերծ պահելու համար, ընդունող օդափոխիչը հագեցած է օդի մաքրման ֆիլտրով, որը հեշտությամբ հնարավոր է մաքրել կամ փոխարինել նորով:
Սարքը չի տաքանում:
Օզոն գազի արտանետումը լիովին բացառվում է՝ օզոն չգեներացնող մանրէասպան ճառագայթիչների օգտագործման պատճառով:
Տարածքի ծավալով պայմանավորված՝ օդի մանրէազերծման ռեցիրկուլյատորի մոդելի ճիշտ ընտրությունը, ինչպես նաև սենյակում ճիշտ տեղակայումն ապահովում է օդի ստերիլության բարձ ցուցանիշ:
Օդի մանրէազերծման սարքավորումները հնարավոր է տեղակայել ստացիոնար՝ պատին տեղակայմամբ՝ ուղղահայաց կամ հորիզոնական դիրքով, ինչպես նաև՝ շարժական հարթակի վրա, որն այն կդարձնի շարժական ախտահանող միավոր և հնարավորություն կտա միևնույն սարքով ախտահանել տարբեր տեղակայման տարածքներ:
